TIRANË– Është lënë në burg 31-vjeçari Gerti Shehu, i cili tre ditë më parë qëlloi me grusht kreun e Partisë Demokratike Sali Berisha. Masa për Gert Shehun u dha në ambientet e Sptalit të Traumës mesditën e të premtes. Shehu ndodhet i shtruar në spitalin e Traumës që prej 6 dhjetorit. Avokati i 31-vjeçarit, kërkoi masë më të butë, “Arrest shtëpie”, ose shtrim i detyruar për mjekim, por kjo nuk u pranua nga gjykata.
Gerti Shehu goditi me grusht kreun e Partisë Demokratike Sali Berisha më protestën e 6 dhjetorit. Ai u fut mes turmës dhe në një moment u afrua me shpejtësi dhe godtit Berishën. Si pasojë e sulmit kryedemokrati ra përtokë dhe u ngrit i gjakosur në fytyrë dhe me sy të nxirë. Shehu u neutralizua nga truprojat dhe protestuesit në shesh. Më pas ai u arrestua nga Policia. Sipas Policisë ai është person me skedë të pasur kriminale pasi është akuzuar më parë për plagosje, prishje të qetësisë publike dhe trafikim të lëndëve narkotike. Atij iu komunikua masa e arrestit me burg ditën e sotme në Spitalin e Traumës ku ndodhet për të marrë mjekim pasi pas incidentit u dhunua nga protestuesit.
