KUÇOVË– Një 35-vjeçar i identifikuar me inicialet F.V ka rënë në prangat e policisë së Kuçovës pasi akuzohet se ka dhunuar një të moshuar brenda dyqanit të tij. Ngjarja ka ndodhur në rrugën “Tafil Skëndo”. Raportohet se 35-vjeçaei e ka dhunuar të moshuarin duke e goditur me semde të forta. Po ashtu gjatë shoqërimit në polici ai ka kundërshtuar me forcë efektivët.
NJOFTIMI I POLICISË:
Goditi me sende të forta, një shtetas të moshuar, pas një konflikti për motive të dobëta, vihet në pranga 35-vjeçari. Ky shtetas kundërshtoi me dhunë punonjësin e Policisë që kishte shkuar në vendngjarje për të neutralizuar konfliktin. Menjëherë pas marrjes së njoftimit, se në lagjen “Tafil Skëndo”, Kuçovë, në dyqanin e tij, shtetasi F. V. kishte goditur me sende të forta, shtetasin L. Xh., 70 vjeç, është organizuar puna, me qëllim neutralizimin e këtij konflikti që kishte si motiv, publikimin në rrjetet sociale, të 70-vjeçarit dhe djalit të tij, nga shtetasi F. V. Ky shtetas, gjatë shoqërimit, ka kundërshtuar me dhunë, punonjësin e Policisë që kishte shkuar në vendngjarje për të neutralizuar konfliktin. Në përfundim të veprimeve procedurale për këtë rast, specialistët për Hetimin e Krimeve të Komisariatit të Policisë Kuçovë, në bashkëpunim me specialistët e Policisë Gjyqësore të Prokurorisë së Beratit, arrestuan në flangrancë shtetasin F. V., 35 vjeç, banues në Kuçovë, për veprat penale “Goditje për shkak të detyrës”, “Plagosja e lehtë me dashje” dhe “Prishja e qetësisë publike”.
