TIRANË– Gjykata e Apelit të Tiranës do të shqyrtojë sot kërkesën e Gerti Shehut, 31-vjeçarit që goditi me grusht kryetarin e Partisë Demokratike, Sali Berisha në protestën e 6 dhjetorit. Seanca pritet të zhvillohet në orën 12:30, togat e zeza do të vendoset nëse do të merret parasysh kërkesa e avokatëve të Shehut për t’i ndryshuar klientit të tyre masën e sigurisë “arrest me burg” në “arrest shtëpie”.
Gerti Shehu goditi me grusht kreun e Partisë Demokratike Sali Berisha më protestën e 6 dhjetorit. Ai u fut mes turmës dhe në një moment u afrua me shpejtësi dhe godtit Berishën. Si pasojë e sulmit kryedemokrati ra përtokë dhe u ngrit i gjakosur në fytyrë dhe me sy të nxirë. Shehu u neutralizua nga truprojat dhe protestuesit në shesh. Më pas ai u arrestua nga Policia. Sipas Policisë ai është person me skedë të pasur kriminale pasi është akuzuar më parë për plagosje, prishje të qetësisë publike dhe trafikim të lëndëve narkotike. Atij iu komunikua masa e arrestit me burg ditën e sotme në Spitalin e Traumës ku ndodhet për të marrë mjekim pasi pas incidentit u dhunua nga protestuesit.
