MALIQ- Detaje të reja kanë dalë më dritë nga grabitja e të moshuarës Luljeta Hoxha në Pirg të Maliqit. Mësohet se policia ka sekuestruar pamjet filmike të kamerave të sigurisë rreth zonës ku ndodhi grabitja e 67-vjeçares.
Si provë materiale që pritet të ndihmojë në hetim policia ka sekuestruar litarin me të cilin u lidh e moshuara. Në lidhje me ngjarjen blutë e Maliqit kanë marrë në pyetje shumë persona, të afërm dhe fqinj të të moshuarës, ndër ta dhe 4 të rinj te zonës, të cilët i përshtaten përshkrimit të 67-vjeçares për autorin e grabitjes, por që edhe mund të kenë qenë dëshmitarë të lëvizjeve të tij, para dhe pas ngjarjes.
Policia dyshon se autor i grabitjes të jetë një banor i zonës ose ndonjë i afërm që kishte kontakt të vazhdueshëm me të moshuarën dhe kisjte dijeni për shumën e parave prej 10 mijë eurosh që ajo mbante.
