LUSHNJE– Një banesë në pronësi të Alket Gjermenit ka rënë pre e grabitjes një natë më parë në fshatin Fier i Ri në Lushnje. Ka qenë Gjermeni ai që ka lajmëruar Policinë dhe ka bërë denoncimin. Para efektivëve ai ka deklaruar se ishin disa persona me armë që hynë në banesën e tij dhe kanë marrë një shumë të madhe parash. Policia po punon për identifikimin dhe kapjen e autorëve.
NJOFTIMI I POLICISË:
Rreth orës 00:30 të datës 31.05.2023, shtetasi A. Gj., 37 vjeç, banues në fshatin Fier i Ri, Lushnjë, ka njoftuar Policinë se shtetas ende të paidentifikuar i kishin hyrë në banesë, dhe dyshohet nën kërcënimin e armës, i kishin marrë një shumë parash dhe ishin larguar. Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj, me qëllim kapjen e autorëve. Janë shoqëruar disa shtetas dhe vijon shoqërimi i shtetasve të tjerë të dyshuar për këtë ngjarje. Grupi hetimor, në bashkëpunim me Prokurorinë, vijon punën për zbardhjen e rrethanave të ngjarjes dhe fiksimin e çdo prove materiale që do të çojë në identifikimin dhe kapjen e autorëve.
