Është bërë publike autopsia e 35-vjeçares Hamide Magashi, që u vra nga ish-bashkëshorti në ambientet e spitalit në Prishtinë. Mediat në Kosovë shkruajnë se autopsia zbulon se në trupin e viktimës janë gjetur tre plumba, një në kokë dhe dy në gjoks.
Familjarët e viktimës kanë treguar se 35-vjeçarja që ishte edhe shtatzënë ka qenë e divorcuar nga ish-bashkëshorti.
Vrasja e gruas 35-vjeçe shtatzënë, ndodhi ditën e djeshme pranë klinikës së Gjinkelogjisë në Prishtinë rreth orës 18:00. Dorasi ndodhet ende në arrati, ndërsa i njëjti është emër i njohur për organet e rendit. E ndjera kishte urdhër-mbrojtjeje për 6 muaj, ndërsa i dyshuari kishte aktakuzë për kanosje. Policia kërkon ndihmë për arrestimin e Sokol Halilit.
