Shorti i fazës së grupeve të Champions League për sezonin 2023-2024 u hodh në “Grimaldi Forum” në Monako.
Ishin 32 skuadra, 26 të kualifikuara direkt në këtë fazë dhe 6 të tjera të mbërritura nga eliminatoret, të cilat u ndanë në tetë grupe me nga katër skuadra. Finalja e këtij edicioni do të zhvillohet në Wembley, më 1 qershor 2024.
Spikat në Grupin A dueli Bayern–Manchester United dhe në Grupin C Real Madrid–Napoli. Me fat Interi, që kundërshtarin më të fortë në Grupin D ka Benfikën, ndërsa Milani duhet të shtrëngojë dhëmbët në Grupin F me PSG-në dhe Borussian e Dortmundit. Short relativisht i lehtë për Barcelonën, që do të ketë përballë Porton në Grupin H. Shumë me fat Manchester City në Grupin G.
Grupi A: Bayern Mynih, Manchester United, Copenhagen, Galatasaray.
Grupi B: Sevilla, Arsenal, PSV Eindhoven, Lens
Grupi C: Napoli, Real Madrid, Braga, Union Berlin
Grupi D: Benfika, Inter, Salzburg, Real Sociedad
Grupi E: Feyenoord, Atletico Madrid, Lazio, Celtic
Grupi F: PSG, Borussia Dortmund, Milan, Newcastle.
Grupi G: Manchester City, Leipzig, Crvena Zvezda, Young Boys.
Grupi H: Barcelona, Porto, Shaktar Donetsk, Antwerp
