TIRANË- Grupet e gjakut përcaktohen në bazë të trashëgimisë gjenetike. Të dy prindërit kontribuojnë përmes gjeneve të tyre për të përcaktuar grupin e gjakut të fetusit.
Sistemi ABO–
Sistemet klasifikuese në të vërtetë janë të ndryshme, por ai i pranuar aktualisht nga të gjithë është sistemi ABO, që ka disa grupe kryesore.
Grupi 0: janë persona që në sipërfaqen e qelizave të kuqe nuk kanë asnjë lloj antigjeni. Këta individë nuk e stimulojnë sistemin imuntiar sepse nuk kanë asnjë lloj molekule të huaj në limfocitet e personit marrës të gjakut.
Grupi 0 mund të dhurojë gjak për çdo grup tjetër gjaku, pra është dhurues universal, pasi nuk aktivizon sistemin imunitar të marrësit në asnjë mënyrë. Nga ana tjetër sidoqoftë, antitrupat e tij duke mos përdorur asnjë lloj antigjeni reagojnë kundër të gjithë grupeve përveç grupit 0. Prandaj mund të dhurojë për të gjithë grupet, por mund të marrë vetëm nga grupin 0.
Grupi A: Janë personat që në sipërfaqe të qelizave të kuqe kanë antigjenin e tipit A
Grupi A mund të dhurojë gjak vetëm për një person të grupit A ose AB, ose një marrës në gjakun e të cilit sistemi imunitar mund të njohë antigjenet A, drejt të cilit “e di që nuk duhet të reagojë”. Ndërsa personi me këtë grup gjaku mund të marrë gjak nga një tjetër me Grup A ose 0. Duhet theksuar se grupi A mund të dhurojë dhe për grupin AB, por nuk merr nga ai, për shkak të pranisë së antigjeneve B që mund të sillte reaksion.
Grupi B: Janë persona që në sipërfaqe të qelizave kanë antigjenë të tipit B
Grupi B: Mund të dhurojë vetëm për ata që kanë këtë grup ose AB dhe për vete mund të marrë nga një donator me grup gjaku B ose 0.
Grupi AB: Ata persona që në sipërfaqe të qelizave të kuqe kanë antigjene dhe të tipit A dhe të tipit B.
Ndërsa Grupi AB mund të dhurojë vetëm për një grup tjetër AB, por mund të marr gjak nga kushdo grup tjetër.
