SHKODËR– Grupimi i deputetit të Partisë Demokratike Enkelejd Alibeaj në Shkodër nuk do të mbështesë kryebashkiakun demokrat Bardh Spahia në zgjedhjet vendore të 14 majit. Lajmin e ka bërë të ditur Xhevdet Amuli, i cili shprehet se grupi në të cilin ai bën pjesë ka marrë vendimin për të mos nxjerrë kandidat në Shkodër dhe ai ka ndërmend ta respektojë. Kjo sipas tij vjen pasi Spahia nuk përfaqëson logon e demokratëve por të Partisë asë Lirisë.
Xhevdet Amuli: Kështu e ka parë të arsyeshme, kryesia e PD-së, vendimi merret nga kryesia e PD-së, pavarësisht se Alibeaj është kryetari në detyrë, por gjithsesi ai nuk mund të vendos pa marrë vendimin dhe votimin e kryesisë së PD-së. Në fakt në shumë gjera nuk ka tingëlluar mirë marrja pjesë me më shumë se një kandidat, por sipas kalkulimeve, dhe të çdo gjeje që është bërë, është parë e arsyeshme qe në disa degë të mos merret pjesë me një kandidat. Struktura është e përgatitur dhe strukturës i intereson vetëm PD, edhe pse janë zgjedhje lokale, por më shumë se aq janë zgjedhje politike. Kështu që në këtë moment, unë dhe strukturat e PD-së, do të punoj për OPD, për listën e këshillit bashkiak, ku secili prej tyre mund të ishte një potencial për drejtimin e bashkisë. Unë nuk kam si të votoj PS, as PL, janë dy pole që ndër vite janë munduar të shkërmoqin PD-në. Ne do të votojmë PD, figurat e PD, këshillat bashkiakë, kjo është zgjidhja. Unë nuk kam lidhje me asnjë subjekt te tjera dhe siç e thashë shkatërrimi i PD-së ndër vite është LSI, që në koalicionin e parë. Kandidati Bardhi kujt i shërben, Berisha-Meta e kanë shkatërruar. PD, ka ardhur kohë të vazhdoj drejt rrugë së saj, të ndahet nga e kaluara. Foltorja e ka filluar reformën e administratës me personat më të vlefshëm të PD, dhe disa herë e kam denoncuar për këto largime nga puna, se janë larguar pa asnjë motivacion, kështu që nuk mund tu them demokratëve dhe ti orientoj ata që të votojnë PL.
