Një ngjarje e rëndë ndodhi ditën e djeshme në Vlorë. Pas një sherri mes dy personave, inxhinieri Armando Meshau ndërroi jetë. Autori i vrasjes së tij është Rei Meta, djali i anëtares së KLPS, ku në polici ka dhënë një dëshmi lidhur me gjithë ngjarjen.
Sipas tij, vdekja e inxhinierit ka qenë aksidentale, pasi ai nuk kishte qëllim për ta vrarë. Të dy ishin përballur në pikën e internetit ku do të fotokopjonin disa dokumenta, e më pas Meshau kishte fyer Metën. Meta gjithashtu ka treguar se ka goditur për vetëmbrojtje teksa pretendon se 55-vjecari e ka humbur jetën nga përplasja me tokën, ose ndonjë orendi të internet kafesë, në momentin kur është rrëzuar përtokë si rrjedhojë e grushtave.
Në anën tjetër burimet e policisë së Vlorës konfirmojnë se Rei Mete fuste shpesh herë sekser për pronat në Vlorë. Sipas tyre ai mbante përgjegjësi në emër të së ëmës. Mete kërkonte që për lejet e pronave që jepeshin, apo zgjidhjen e marrëveshjeve të mbante dhe ai përfitime.
