TIRANË– Ministria e Arsimit ka mohuar lajmin e dhënë gjerësisht nga mediat italiane se Guvernatori i Sardenjas në Itali ka marrë në Shqipëri titullin ‘Honoris Causa’. Sipas “Report Tv”, MAS u përgjigj se Christian Solinas nuk ka marrë asnjë titull nderi.
REAGIMI:
Përshëndetje! Pas verifikimeve të bëra nga Ministria e Arsimit dhe Sportit në Universitetin e Mjekësisë së Tiranës, rezulton se Christian Solinas nuk është dhe nuk ka qenë asnjëherë pjesë e stafit akademik të këtij universiteti. Gjithashtu sqarojmë se ky person nuk ka marrë asnjë titull nderi, përfshirë këtu edhe titullin “Doktor Honoris Causa.
Christian Solinas po hetohet nga prokurori i Cagliarit. Solinas është nën hetim për dy çështje, e para ajo e blerjes sënjë shtëpie dhe një presion për një takim. Guardia di Finanzia i ka sekuestruar telefonin dhe kompjuterin nga ku pritet zbardhja e komunikimeve. Ai akuzohet se bleu disa toka në Capoterra me para korrupsioni. Kjo pronë u pagua nga një sipërmarrës dhe iu dha guvernatorit.
