TIRANË– Këtë të enjte banorët e shtëpisë “VIP” janë vënë para disa pyetjeve të ndryshme nga “Vëllai i Madh” në kuadër të një loje që përfshin provën javore.
Banorët e shtëpisë më të famshme në Shqipëri kanë bërë një sërë gafash në njohuritë gjeografike dhe historike.
Ajo që ka habitur ka qenë DeaMishel e cila vuri theksin se Kosova kufizohet me shtetin Grek, kjo përgjigje në një moment duke u munduar të ndihmonte Armaldon.
Një pjesë e madhe e shikuesve të këtij spektakli jo vetëm që janë “zhgënjyer” nga përgjigjet e banorëve të “Big Brother”, por kanë zgjedhur që edhe të argëtohen me ta, duke marrë fraza nga përgjigjet për t’i shpërndarë më pas ato në rrjet.
