TIRANË– Rasti i kryebashkiakut të Kuçovës Kreshnik Hajdari ka sjellë sërish debate në mbledhjen e Komisionit Qëndror të Zgjedhjeve. Kështu përfaqësuesi i grupimit të Enkelejd Alibeajt Indrit Sefa është shprehur se Hajdari rezulton i dënuar nga Gjykata e Janinës për hyrje të paligjshme në shtetin grek. Sefa tha se ai ka shkelur ligjin e dekriminalizimin me kandidimin e tij dhe se nuk duhet të futet në zgjedhje pasi në një moment të dytë do tëmi të detyruar të përsërisim zgjedhjet. Nga ana tjetër Kryekomisioneri i Zgjedhjeve Ilirjan Celibashi deklaroi se KQZ do të kërkojë nga autoritetet dokumentet e nevojshme. Nuk munguan as ironitë pasi kreu i KQZ iu drejtua Sefës duke I thënë se e morën të mirëqënë se Hajdari do të fitojë.
Indrit Sefa: Kreshnik Hajdari është dënuar nga Gjykata në Janinë për hyrje të paligjshme në shtetin grek. Keni vendimin origjinal me përkthim dhe vulë. Funksionari ka shkelur dispozitat me të cilët funksionon ligji i dekriminalizimit. Kështu që duhet të pengohet kandidimi i tij. Ky i fundit është në kushtet për ndalimin në zgjedhje.
Ilirjan Celibashi: Falemiderit, po zoti Sefa
Indrit Sefa: Lidhur me rastin e Kuçovës, duke qenë se kemi pasur edhe raste të mëparshme dhe kemi qenë të detyruar të bëjmë zgjedhje sërish. Merrni veprime imediate për t’ju kursyer shqiptarëve zgjedhje të tjera.
Ilirjan Celibashi: Për rastin e Hajdarit jemi në kushtet kur KQZ-ja do të duhet të kërkojë dokumentet e nevojshme nga autoritetet. Nuk ka kompetencë KQZ që ta bëjë këtë vlerësim, por organet e prokurorisë. Në një gjuhë më të qartë, është ai institucioni që bën një vlerësim të aktit të ndodhur. Mbi atë vlerësim do të vendosim nëse kandidati në fjalë është në kushtet për të kandiduar apo jo. Ne me njëri-tjetrin e kuptojmë shumë mirë si është situata, por vlerësimin e bën organi i prokurorisë. Ju e morët të mirëqenë që ky kandidat do të fitojë zgjedhjet, por ne nuk e marrim të mirëqenë. Nuk e dimë a do t’i fitojë.
