TIRANË– Erjon Sinani, bashkëshorti i Migena Sinanit, e cila u vra nga kunati (vellai i Erjonit) ka folur këtë të hënë për herë të parë për mediat ku ka rrëfyer se si e mori vesh ngjarjen e rëndë të ndodhur në shtëpinë e tij. Në një intervistë për ABC News ai ka thënë se në mometin që ndodhi krimi i rëndë ai ka rrëfyer se ka qenë në punë në atë moment dhe për ti dhënë lajmin e ka marrë nëna në telefon nëna, e cila i ka kërkuar të kthehet menjëherë në shtrëpi pasi kishte ndodhur hataja.
Sinani rrefen se kur është kthyer në banesë ka para vëllain e shtrirë në oborr ndërsa nusen në dhomën e gjumit të mbuluar me gjak. Ai deklaroi se fëmijët ndodhen tek prindërit e Migënës për momentin dhe nuk e dinë se çfarë ka ndodhur për shkak të moshës së vogël. Ai ka kërkuar mbështethje për të blerë një shtëpi ku të jetojë bashkë me fëmijët.
Pyetje: Ju punoni taksist, gjithmonë natën?
Erjon Sinani: Po natën, punoja natën për fëmijët, po mundoheshim me mbledh pak lekë më i siguri jetesë shtëpia është e amortizuar komplet, ka shumë lagështirë.
Pyetje: Mendoni se kushtet e vështira e ka cuar në këtë akt vëllain tuaj?
Erjon Sinani: Nuk di ca të them
Pyetje: A punonte ai?
Erjon Sinani: Po, shumë punonte, për të siguruara lekë për të blerë një shtëpi.
Pyetje: Keni një apel? Për shkak të asaj c’ka ndodhi, një ndihmë për fëmijët tuaj?
Erjon Sinani: Një shtëpi të jetoj normal, që fëmijët mos më sëmuren.
Pyetje: Migena ka pas konflikte?
Erjon Sinani: Jo nuk ka patur probleme. Nuk e di si ndodhi.
Pyetje: Po fëmijët?
Erjon Sinani: Fëmijët ndodhen te njerëzit e nuses. I mbajnë ata. Janë të vegjël s’e kuptojnë këtë gjë. Lodra duan shëtitje. Ata më kanë dhënë mbështetje të plotë. Ata kanë mbetur tani. Kam 5 vite i martuar kemi dy fëmijë, djalin 4 vjeç dhe goca afër dy vjeç si ka mbushur akoma. Nuk ndodhesha në shtëpi, isha në punë dhe më erdhi një mesazh nga prindërit, i kishin rënë telefonit por nuk punonin linjat, kur mora mesazhin i mora në telefon dhe më thanë se hataja e madhe kishte ndodhur, janë vra dy vetë në shtëpinë tonë, ç’të shihja, policia gjak, vëllain të shtrirë në tokë. Gjendja e tij ka qenë normale, ka qenë dikur në depresion por kohët e fundit ka qenë mirë
