TIRANË– Hajdut por dhe romantik. Kështu mund të përshkruhet Havier Dobi, i riu që bashkë me të ëmën Rozetën vodhën shtëpinë e ish-shefes së kabinetit të Arben Ahmetaj dhe të oaktën katër shtëpi të tjera të personazheve VIP, identiteti i të cilëve nuk është bërë i ditur. Kështu Havieri dhe pse pas hekurave i kishte shkruar një letër të dashurës së tij ku i thoshte më prit se për dy muaj do dal.
“Nuçja ime, dashuria ime, jeta ime, bota im. Sot unë dal në gjyq për shkak të muhabetit. Dua të më presësh 2 muaj. Pavarësisht se jam këtu, por më shpirt e zemër jam me ty. Të dua shumë me shpirt e zemër, jeta ime. Nuçja ime. Do të më marrë malli shumë, të puth fort,”-shkruhet ndër të tjera në letër.
Vjedhja ka ndodhur më datë 15 dhjetor kur në shtëpi nuk ndodhej askush. Rozeta Dobi punonte si pastruese në shtëpinë e ish-zyrtares së lartë në Kryeministri. Paratë janë vjedhur në kohë të ndryshme. Pasi kishin kryer grabitjen e fundit Dobi dhe i biri Havier Dobi e kthyen shtëpinë “përmbys” për ta bërë të dukej si grabitje. Pas kontrollit në shtëpi atyre iu gjetën dhe 404 mijë dollarë të tjerë, mijëra euro dhe bizhuteri, të cilat ishin fshehur në tubin e aspirimit. Rozeta e Havier Dobi e pranuan krimin para uniformave blu. Havieri me paratë e vjedhura kishte blerë makina luksi, të cilat i ekspozonte në rrjetet sociale.
