TIRANË– Kryetari i Partisë së Lirisë Ilir Meta doli kundër Hartës së re Gjyqësore këtë të hënë, ditë kur nisi dhe faza e dytë e implementimit të saj. Përmes një deklarate për mediat Meta tha se ky sistem po shkatërron aksesin e qytetarëve në drejtësi, duke rritur kostot e tyre. Gjatë fjalës së tij kreu i PL-së u ndal dhe tek zgjedhjet vendore të 14 majit ku tha se kushdo që tenton të prekë zgjedhjet e 14 majit do të mbajë përgjegjësi.
Ilir Meta: Po shkatërron aksesin e qytetarëve në drejtësi, po shton zvarritjen, po i rrit kostot që ti lërë ata. Kjo hartë është një antireformë, se nuk merr parasysh largësinë gjeografike. Më 14 maj do votojmë edhe kundër Rama-formës. Ky është një proces që e ka marrë populli, që do të votojë pavarësisht përpjekjeve që bëhen për të dekurajuar pjesëmarrjen në këtë zgjedhje. Populli do të votojë, do të numërojë, do të monitorojë. Të gjithë do të jemi para qendrave të votimit deri në momentin që do të numërohet edhe vota e fundit. Këto janë procese që i takojnë të kaluarës ku Rama trukonte ndeshjen. Do të jenë shumë të pashpresë ata që mendojnë se kjo pakicë uzurpatore mund të prekë edhe një votë të qytetarëve shqiptarë. Përgjegjësinë e kanë ata dhe po të jenë të zotë le ta mbajnë
