Hera Kume, fituesja e “Miss Kids Beauty 2025”, rrëfen në podcast: “Dua të shëroj botën, por mos harroni dhe artin!”
Në një intervistë të ëmbël dhe frymëzuese në një podcast të njohur për fëmijë dhe talente të reja, Hera Kume, vajza e vogël që rrëmbeu kurorën e “Miss Kids Beauty 2025”, ndau emocionet dhe ëndrrat e saj të mëdha me publikun.
“Ja kam kaluar shumë me këtë eksperiencë, ja arrita qëllimit,” u shpreh Hera me plot entuziazëm. Ajo tregoi se suksesi nuk ishte i rastësishëm, pasi vjen nga një familje me rrënjë të thella në botën e artit: “Unë vi nga një familje artistësh, pasi mami im dhe motra kanë qenë Miss Fotozhenia. Edhe hadha ime dhe xhaxhi im janë artistë të shkëlqyer.”
Por, pavarësisht dashurisë për pasarelën dhe artin, Hera ka një vizion të qartë për të ardhmen: “Ëndrra ime është që kur të rritem të bëhem një mjeke e shkëlqyer dhe të shëroj çdo njeri të sëmurë në këtë botë, por mos harroni dhe arti,” tha ajo, duke treguar se do të përpiqet të balancojë dy botë – atë të shkencës dhe atë të bukurisë e pasionit artistik.
Hera Kume është shembulli më i mirë i një brezi të ri që rritet me vlera, ëndrra dhe përkushtim, duke frymëzuar qindra fëmijë të tjerë të ndjekin zemrën dhe pasionet e tyre.
