DURRËS– “Nuk kam dijeni” kjo është dëshmia e shoferit të autobusit Durrës-Bari, i cili u kap me 13 kilogramë heroinë ditën e djeshme në portin e Durrësit. Ai është shprehur se nuk e dinte për sasinë e drogës në autobus. Po i të njëjtit qëndrim ka qenë dhe pronari i linjës Mikel Pici. Pas kësaj deklarate ai nuk ka pranuar të flasë më për hetuesit duke mohuar përfshirjen e tij në ngjarje.
Ata u arrestuan një ditë më parë pasi pas kontrollit në autobus u gjet nëjn sasi prej 13 kilogramësh heroinë. Lënda narkotike ishte paketuar në 26 pako e mbështjellë me letër natriban. Droga ishte fshehur në një vend të veçantë në fund të autoibusit. Hetrimet për ngjarjen vijojnë ende.
