TIRANË– Eder Dorzi, 41-vjeçari i plagosur 27 herë me thikë tre ditë më parë në zonën e ish-Bllokut nuk është një emër i panjohur për Policinë. Ai rezulton të jetë dënuar në vitin 2015 si pjesë e një grupi të strukturuar kriminal që shfrytëzonin vajzat e huaja për prostitucion. Ai u vu në pranga në kuadër të operacionit ndërkombëtar “TEMPESTA 2015”. Grupi kriminal shfrytëzonte për prostitucion vajza nga Europa lindore në zonën e Milanos, Itali. Sipas tij plagosja e rëndë mund të ketë ardhur si pasojë e ndonjë konflikti për drohgën pasi ai njihej si përdorues i lëndëve narkotike.
Eder Dorzi u plagos tre ditë më parë rreth orës 12:00 të drekës teksa ishte duke konsumuar kafen në një nga lokalet e njohura të zonës së ish-Bllokut në shoqërinë edhe të dy miqve të tiij. Dy persona i janë afruar afër duke u shtirur si miq dhe më pas e kanë goditur 27 herë më thikë duke i shkaktuar plagë të rënda. Ai ka rënë përtokë dhe është trasnportuar drejt spitalit të Traumës ku ende ndodhet në gjendje kritike për jetën. Familjarët shprehen se ai rrezikon të mbetet i paralizuar pasi nuk i lëviz dot as këmbët e as duart
