SHKODËR– Kur kanë kaluar disa ditë nga ekzekutimi i biznesmenit të angazhuar dhe në politikë Ardian Nikulaj në restorantin e tij në Shëngjin detaje të reja kanë dalë në dritë në lidhje me vrasjen që tronditi Lezhën. Kështu dyshohet se në vrasje të jetë përfshirë një shkodran.
Kjo pasi pas analizimit të pamjeve filmike të marra nga grupi hetimor në data e orë të ndryshme kamerat pikasin një person që lëviz i veshur me rroba policie në Kryebushat të Shkodrës. Pamja e tij është identike me atë të personit që qëlloi me shtatë plumba në kokë e trup Nikulajn. Një dyshim tjetër i fortë që i bën hetuesit të ndjekin këtë pistë është fakti se personi që shfaqet në kamera lëviz me motor ashtu si dhe ekzekutori i Nikulajt.
Ardian Nikulaj rezulton që të jetë pronar i disa bizneseve në zonën e Lezhës dhe i resortit “Coral” në bregdetin e Shëngjinit, vend ku dhe u vra. Nikulaj rezulton ta ketë ndërruar mbiemrin pasi në të shkuarën pasi më oparë ka mbajtur mbiemrin Marku. Më parë ka qënë edhe Ish-kreu i Aluznit e në të shkuarën ka qënë i dënuar për disa vepra penale. Ai rezulton i dënuar me 4 muaj burg, për prodhim dhe mbajtje të armëve luftarake dhe municioneve dhe për ‘armëmbajtje pa leje’. Ai ka qenë i dënuar në vitin 2003, dënim të cilin e ka deklaruar edhe në formularin e dekriminalizimit. Po ashtu ai ka qenë i angazhuar dhe në arenën politike në nivel qarku. Në zgjedhjet e shkuara ai ka qenë kandidat në listën e kandidatëve për deputetë në Partinë Socialdemokrate të drejtuar nga Tom Doshi. Nikulaj ishte i martuar dhe baba i katër fëmijëve.
