TIRANË– Kryeministri Edi Rama ka reaguar për herë të parë pas publikimit të dosjes së ish-agjentit të FBI-së Charles McGonigal që është vënë nën akuzë nga drejtësia amerikane e që në dosje janë përfshirë dhe takimet e padeklaruara të tij me kreun e qeverisë dhe marrjen e 225 mijë euro nga persona të tretë në emër të kryeministrit për të lobuar në SHBA. Në një postim në Twitter Rama shkruan se ai po hetohet për akuza që nuk kanë lidhje me të ndërkohë që në Shqipëri ka nisur gjyqi kundër tij, të cilin Edi Rama e cilëson një “Big Brother” politik.
Por kryeministri Edi Rama nuk ka sqaruar takimet me të dhe bisedat e zhvilluara mes tyre. Në dosjen hetimore të FBI-së shkruhet se një nga bisedat e tij me kreun e qeverisë shqiptare ka të bëjë me shpimet e naftës ku McGonigale kishte paralajmëruar Ramën që të bënte kujdes. Mbetet ende e paqartë shifra e 225 mijë dollarëve që ai ka marrë nga persona të tretë por që ishin në emër të kryeministrit sipas dosjes. Kjo ëeshtë një histori e mbushur me pikpyetje që para zgjedhjeve vendore ka bërë me “dhimbje koke Ramën.
POSTIMI I EDI RAMËS:
Akuzohet në Amerikë një zyrtar i FBI për gjëra që s’kanë as edhe një lidhje me mua (se po të kishin do t’i kishte nxjerrë hetimi i atyre që nuk manipulojnë prova e as kursejnë fajtorë) dhe në Shqipëri fillon gjyqi ndaj meje në Big Brotherin e politikës, kanaleve e portaleve! Jam mësuar, po së fundmi kam vendosur të mos merrem më me nxjerrjen e çdo guri që hidhet përditë në lumë nga protagonistët e sojsojshëm të këtij Big Brotheri pambarim! Më pak fjalë dhe akoma më shumë punë e kontakte me njerëzit që kanë punë për të bërë apo punë për të zgjidhur. Duhen kuptuar edhe ata që s’dinë të bëjnë asgjë tjetër, ashtu siç duhen kuptuar edhe ata që s’duan të besojnë asgjë tjetër përveç asaj që duan medoemos të besojnë.
Akuzohet në Amerikë një zyrtar i FBI për gjëra që s’kanë as edhe një lidhje me mua (se po të kishin do t’i kishte nxjerrë hetimi i atyre që nuk manipulojnë prova e as kursejnë fajtorë) dhe në Shqipëri fillon gjyqi ndaj meje në Big Brotherin e politikës, kanaleve e portaleve!
— Edi Rama (@ediramaal) January 24, 2023
Jam mësuar, po së fundmi kam vendosur të mos merrem më me nxjerrjen e çdo guri që hidhet përditë në lumë nga protagonistët e sojsojshëm të këtij Big Brotheri pambarim! Më pak fjalë dhe akoma më shumë punë e kontakte me njerëzit që kanë punë për të bërë apo punë për të zgjidhur.
— Edi Rama (@ediramaal) January 24, 2023
Duhen kuptuar edhe ata që s’dinë të bëjnë asgjë tjetër, ashtu siç duhen kuptuar edhe ata që s’duan të besojnë asgjë tjetër përveç asaj që duan medoemos të besojnë.
— Edi Rama (@ediramaal) January 24, 2023
