TIRANË- Hipertensioni ëashtë rritja e presionit të gjakut në murin aterial. Ai shkakton sëmundjet kardiovaskulare më të shpeshta si: goditja në tru, ataku në zemër, dobësimi i zemrës,fibrilacionit aterial, çrregullimi konjitiv dhe demencës, vdekja e papritur. Hipertensioni është shkaktari i vdekjes së parakohëshëm i shumë njerëzve në mbarë botën.
Shkaqet që mundë të sjellin hipertensionin arterial janë të shumta, stresi psiqik, pasiviteti fizik, mbipesha, ushqimet e kripura, konsumimi alkolit. Nje shkak tjetër është dhe shkaku i problemeve ne veshka ose gjëndrat mbiveshkore, gjëndra e tiroides ose gjëndra e hipofizës.
Simptomat më të shpeshta që shfaqen janë: dhimbja e kokës, veçanërisht në pjesën e sipërme të qafës, lodhje, skuqje në konjuktivën e syrit, gjakëderdhje nga hunda, shikimi i paqartë.
Gjatë matjes së presionit të gjakut matim dy vlera, presionin sistolik dhe presionin diastolik. Presioni i gjakut mundë të matet në shtëpi ose nga person specialist i ambulancës.
Presioni i gjakut klasifikohet si optimal, normal, i lartë, normal.
6 hapat që ju ndihmojnë për të mbajtur nën kontroll presionin e gjaku
1. Mbani një peshë të shëndetshme- Mbipesha rrit presionin e gjakut. Mbani një peshë trupore të shëndetshme nëpërmjet një
aktiviteti fizik të rregult dhe një ushqyerjeje të shëndetshme. Nëse jeni obezë apo
mbipeshë humbja 10% e peshës suaj mund t’ju ndihmojë në uljen e presionit të gjakut.
2. Konsumoni më pak kripë- Konsumi i tepërt i kripës rrit presionin e gjakut. Reduktoni sasinë e kripës në ushqime, si
dhe konsumoni më pak ushqime të përpunuara të cilat kanë sasi të madhe kripe.
Gjithmonë kontrolloni etiketat e ushqimeve dhe merrni produkte që kanë më pak se 0.25g
kripë për 100gram.
3. Konsumoni më pak alkool- Konsumi i sasive të mëdha të alkoolit mund të rrisë presionin e gjakut me kalimin e
kohës, si dhe të dëmtojë zemrën dhe mëlçinë. Rekomandimet janë 3 – 4 porcione alkool
në ditë për meshkujt, dhe 2 – 3 porcione për femra
4. Konsumoni më shumë fruta dhe zarzavate- Ngrënia e 5 ose më shumë porcioneve me fruta dhe zarzavate çdo ditë, mund t’ju
ndihmojë të ulni presionin tuaj të gjakut. Këto mund t’i konsumoni të freskëta, të ngrira,
të thata dhe të konservuara por kujdes, kontrolloni sasinë e kripës, sheqerit dhe
yndyrnave në to. Një porcion është 80 gram.
5. Bëni një jetë më aktive- Kryerja e një aktiviteti fizik të moderuar, 30 minuta në ditë 5 herë në javë, do të ulë
presionin tuaj të gjakut. Lëvizja në këmbë apo biçikletë, noti dhe kërcimi janë aktivitete
shumë të mira
6. Merrni ilaçet rregullisht sipas rekomandimit të mjekut- Nëse ju jeni diagnostikuar me presion të lartë të gjakuti/hipertension dhe merrni ilaçe, ato
duhet t’i pini në mënyrë të rregullt për të mbajtur presionin tuaj të gjakut nën kontroll. Medikamentet të cilat merren për të ulur presionin e gjakut parandalojne plakjen e shpejtë të enëve të gjakut dhe të zemrës, si dhe reduktojnë rrezikun për goditje në tru.
Njihni numrat tuaj!
Kontrolloni presionin tuaj të gjakut nëse e keni në vlerat < 120/80mmHg çdo dy vjet,
dhe nëse vlerat e tij variojnë nga 120 – 139 mmHg dhe 80 – 90 mmHg çdo vit
