TIRANË-Ish-ministri i Ekonomisë dhe Financave Arben Ahmetaj dhe partnerja e tij Erjola Hoxha kanë depozituar padi në Gjykatën e Posaçme Kundër Krimit të Organizuar dhe Korrupsionit (GJKKO) pasi i konsiderojnë të paligjshme kontrollet e ushtruara në banesat e tyre.
Në padinë dorëzuar këtë të mërkurë në GJKKO deputeti pretendon se duhet të ishte marrë leje nga Kuvendi për të ushtruar kontroll në shtëpinë ku jeton ai vetë. Sipas ish-numrit dy të qeverisë, bashkëjetuesja e tij duhet të ishte informuar paraprakisht për këto kontrolle, por kjo gjë nuk ka ndodhur.
