AUSTRI- Një burrë 50-vjecar çek është kapur ditën e sotme nga forcat policore austriake, në momentin që ai po mundohej të kalonte në aeroportin e kryeqytetit të Austrisë. Udhëtari është munduar të kalojë nga ana ku nuk bëhej kontrollim i mallrave, por kjo gjë ka ngjallur dyshime për policinë dhe këta të fundit kanë shkuar menjëherë për të shuar dyshimet.
Autoritetet doganore austriake zbuluan rreth 90 zvarranikë të fshehur me kujdes në valixhen e një udhëtari nga Etiopia, me kafshët që vlerësohet të kenë një vlerë totale prej rreth 47,000 euro, por kjo gjë u mohua nga udhëtari pasi ai deklaroi se zvarranikët ishin të pavlerë dhe i vetmi qëllim që ai i kishte marrë ishin për të ushqyer gjarpërinjtë e tij.
Sakaq zvarranikët janë dërguar në kopshtin zoologjik më të afërt për një kujdës të mëtejshëm.
