TIRANË-Gazetari Artan Hoxha ka zbardhur mbrëmjen e sotme detaje të tjera nga atentati mafioz ku mbeti i vrarë Brilant Martinaj dhe dy miqtë e tij Diklen Vata dhe Besmir Hoxha. Gjatë emisionit “Në Shënjestër” gazetari tha se autorët e atentatit ndaj Martinajt dhe dy miqve të tij kanë ekzekutuar 5 ditë më pas edhe Klisman Preçin dhe plagosur rëndë Ylli Brahimin (që ishte dhe shënjestra e atentatit) në qendër të Milotit. Sipas tij këtë e vërteton më së miri tipologjia dhe mënyra e vrasjes që është e njëjtë tek të dyja.
Artan Hoxhja: Është edhe një skuadër që del edhe 5 ditë më pas në atentatin ndaj Ylli Brahimit. Ata kanë sjellë një dyshe si efektivë policie për të devijuar trafikun. Kanë patur informacion të qartë për lëvizjet e Policisë dhe kanë pasur pajisjet e tyre. Kanë vepruar si një skuadër policore. Të bëj një gjë të tillë lë gjurmë. Kjo duket se kanë investuar, hyn tek atentatet që kanë kosto të madhe. Nuk besoj që aty ka mjaftuar një punonjës i vetëm, megjithatë kjo është një çështje që do e nxjerrë hetimi. Në çështje të tjera, të dy palëve u janë gjetur kontakte me Policinë. Më rezulton që e njëjta dorë, si tek ngjarja e parë dhe tek e dyta. Kanë reaguar menjëherë pa u bërë të 7-at e të parit.
