VLORË– Një 80-vjeçar i identifikuar me inicialet K.P ka humbur jetën këtë të shtunë në vendin e quajtur “Plazhi i vjetër” në Vlorë. Përmes një njoftimi për mediat blutë e qytetit bregdetar bëjnë me dije se dyshohet se i moshuari ka pësuar “arrest kardiak“. Po hetohet ngjarja.
NJOFTIMI I POLICISË:
Një pushues ka humbur jetën në Vlorë. Sipas policisë, ngjarja ka ndodhur rreth orës, 08:10, në lagjen “1 Maji”, Vlorë, në vendin e quajtur “Plazhi i vjetër”. Shtetasi K. P., rreth 80 vjeç, banues në Vlorë, dyshohet se ka pësuar “arrest kardiak” dhe për pasojë ka humbur jetën. Grupi hetimor vijon punën për sqarimin e plotë të rrethanave dhe të shkakut të humbjes së jetës së 80-vjeçarit.
