TIRANË– Ish-kryebashkiaku i Shkodrës Bardh Spahia, i cili në zgjedhjet e 14 majit humbi bastionin e demokratëve përballë socialistit Benet Beci deklaroi këtë të martë para mbledhjes së Kryesisë së PD se maxhoranca përdori paratë e krimit për të tjetërsuar rezultatin. Sipas tij votat e demokratëve janë aty por në këto zgjedhje shton Spahia të gjithë institucionet u bënë bashkë kundër votës së lirë.
Bardh Spahia: Humbëm se ndërhyri krimi i organizuar. Ka thjesht dhe vetëm përfshirje të institucioneve, me paratë e krimit. Absolutisht jo, nuk na kanë braktisur votat e demokratëve, janë aty. Aty janë votat e anëtarësisë madje ka rritje. Nuk më kanë braktisur demokratët. Po të lexoni shifrat edhe votat, votat e demokratëve janë aty.
