A jeni ndjerë ndonjëherë sikur “motori” i trurit tuaj po nxjerr tym nga vetë puna e tepërt?
E keni gjetur ndonjëherë veten përballë një detyre, të paaftë për ta përfunduar atë, thjesht sepse mendja juaj nuk do të bindet? Ndoshta do t’ju ngushëllojë të dini se nuk jeni vetëm. Në fakt, shumë nga detyrat që kryejmë në jetën tonë të përditshme kërkojnë përqendrim dhe vëmendje.
Studiuesit nga Universiteti i Sidneit donin të eksploronin se cilat praktika mund të ndihmonin mendjen të pushojë dhe të rimbushet në mënyrë që të mund t’i kthehemi produktivitetit me energji. Ata u befasuan kur zbuluan se zgjidhja e këtij problemi të përqendrimit fshihej në një metodë shumë të thjeshtë: Një pushim prej vetëm 5 minutash nga çdo mendim dhe punë ishte i mjaftueshëm për të rikthyer përqendrimin e humbur, duke i dhënë një shtysë të re trurit.
“Vëmendja ndryshon nga personi në person dhe gjithashtu mund të ndikohet nga koha e ditës, nivelet e sheqerit në gjak, marrja e kafeinës dhe faktorë të tjerë, kështu që është e ndërlikuar”, shpjegon profesori i asociuar Paul Ginns, një specialist i psikologjisë arsimore në Universitetin e Sidneit. “Ne donim të testonim se si mund të kthejmë vëmendjen dhe zbuluam se zgjidhja mund të ishte aq e thjeshtë sa një pushim pesë-minutësh. Është një praktikë e lehtë produktiviteti që çdokush mund ta provojë,” shton ai. 72 studentë australianë të universitetit morën pjesë në studim. Në pjesën e parë të studimit, të gjithë pjesëmarrësit përfunduan një test sfidues 20-minutësh të matematikës. Studiuesit zbuluan se studentët që bënin një pushim ndërsa bënin numërimin mbrapsht raportuan nivele mesatare më të larta të vëmendjes së sesa ata që nuk bënë pushim.
Pushimi njihet gjithnjë e më shumë si i rëndësishëm dhe integral për performancën, mirëqenien dhe mësimin. Edhe nëse nuk keni shumë kohë ose nuk mund të bëni një shëtitje të gjatë, një pushim prej pesë minutash është gjithçka që ju nevojitet për të rifituar fokusin dhe vëmendjen tuaj. Në këto pesë minuta mund të bëni çfarë të doni. Thjesht mos mendo.
