FRANCË– Roland Aliun të riun shqiptar që hyri mes flakëve për të shpëtuar një 8-vjeçar në Poiters qeveria francize ka vendopsur që ta “shpërblejë” me dëbim nga vendi. Por kjo ka acaruar banorët e zonës të cilët shprehen se me datë 7 janar do të organizojnë një protestë nëse ky vendim nuk kthehet pas nga ana e autoriteteve. Në 3 shkurt të 2022-shit, i riu shqiptar bëri xhiron e rrjeteve sociale dhe mediave në Francë për shkak të aktit heroik që ndërmori duke rrezikuar jetën e tij, e madje ekipet e shpëtimit i dhanë atij medaljen e artë në korrik të vitit të kaluar.
I riu shqiptar shpresonte që do të merrte lejën e qëndrimit në Francë por kjo nuk u realizua. Më datë 9 dhjetor autoritetet e njoftojnë se ai së bashku me familjen e tij kanë një muaj kohë për t’u larguar nga territori francez. Sipas vendimit të argumentuar të prefekturës, akti i trimërisë së shqiptarit nuk është arritur të vërtetohet nga shërbimet e urgjencës dhe policia që u mobilizuan mbrëmjen që ndodhi zjarri.
