TIRANË– Gjykata e Posaçme Kundër Korrupsionit dhe Krimit të Organizuar ka dënuar me 5 vjet burg Bledar Zenelin. Ky i fundit akuzohet për terrorizëm. Zeneli për shkak të gjykimit të shkurtuar përfitoi ulje me 1/3 duke u dënuar përfundimisht me 3.4 vite burg.
Bledar Zeneli u arrestua me urdhër të Prokurorisë së Posaçme në bashkëpunim me anti-terrorin, pasi dyshohet se përmes rrjeteve sociale bënte thirrje për sulme terroriste dhe mbështete ISIS. Sipas Prokurorisë së Posaçme nga hetimet e kryera ka rezultuar se në rrjetet sociale Facebook dhe Telegram, publikonte artikuj dhe materiale radikale me përmbajtje ekstremiste në mbështetje të shtetit islamike. 30-vjeçari punonte kryesisht në ndërtim.
