LEZHË- Gjykata e Apelit ka lënë në fuqi vendimin për dënimin me burg të përjetshëm për Aleksandër Përdoda, autor i vrasjes së dyfishtë të rapsodit Kol Murrani dhe mikut të tij Preng Simoni, ngjarje e ndodhur 3 vite më parë
Ngjarja
Në 27 prill 2020, dy miqtë Preng Simoni dhe Kol Murrani po ktheheshin në shtëpitë e tyre në Lalm i Vjetër. Ata u ndeshën me dy persona të armatosur të cilët hapën zjarr ndaj tyre. Policia pretendon se dy atentatorët ishin vëllezërit Aleksandër dhe Edmond Përdoda. Konflikti mendohet se ka të bëjë me çështjen e pronave. Vëllezërit Përdoda kishin mbjellë kanabis në tokën e dy viktimave. Trupat e tyre u lanë në pyllin e fshatit për 5 orë dhe u gjetën nga djali i Preng Simonit.
