Duane Keith Davis, i akuzuar për vrasjen e reperit më të famshëm të viteve ’90, Tupac Shakur, ka dalë para gjykatës. Duane Keith Davis, 60 vjeç, qëndroi i prangosur, i veshur me një uniformë burgu blu të errët dhe pantofla plastike portokalli të mërkurën në Qendrën Rajonale të Drejtësisë në Las Vegas.
Në senacën gjyqësore ishte parashikuar që të niste gjyqi për akuzën për vrasje, por senca u shty. Duane Keith Davis u arrestua javën e kaluar, pas gati 3 dekadash nga vrasja e reperit Tupac.
Një përleshje në kazino në të cilën ishin përfshirë Tupac dhe nipi i Davis Orlando Anderson çoi në vrasjen e reperit. Shtëpia e Davis në Henderson u kontrollua në korrik si pjesë e hetimit të vazhdueshëm të Departamentit të Policisë Metro të Las Vegas për vrasjen e Tupac.
Policia beson se Duane Keith Davis orkestroi një plan për të kryer krimin me disa persona të tjerë. Ai e kishte pranuar prej kohësh përfshirjen e tij në vrasje, duke u mburrur se ishte “komandanti në vend” në përpjekjen për të vrarë Shakur dhe shefin e Death Row Records, Mario “Suge” Knight në hakmarrje për një sulm ndaj nipit të tij.
Shakur ishte vetëm 25 vjeç kur vdiq. Ai vdiq më 13 shtator 1996, një javë pasi u qëllua katër herë në makinën e tij ndërsa priste në semafor të kuq.
Vdekja e reperit, një nga më të vlerësuarit në hip-hop, ka frymëzuar disa dokumentarë. Shakur shiti më shumë se 75 milionë disqe në mbarë botën, duke shijuar suksesin e top-listave me hite, duke përfshirë California Love, All Eyez On Me dhe Changes.
/ Newszone
