KORÇË– Ervehe Rrapo, nëna e Ervis Rrapos, i cili akuzohet se ka përdhunuar një 23-vjeçare me probleme të shëndetin mendor ka mohuar akuzat që rëndojnë mbi të birin. Përmes një prononcimi për mediat Rrapo shprehet se i biri ka qenë i dehur kur u ka hyrë në shtëpinë familjarëve të vajzës, e cila ka qenë vetëm në banesë por nuk ka bërë asgjë të keqe.
Ervehe Rrapo: Isha në një shoqe, vjen djali nga Korça, e pyeta pse je kështu bir i mamit? Më shau babai i vajzës dhe u grinda. Tani e hapën namin sikur e ka përdhunuar. Djali im nuk ka bërë një gjë të tillë. Nuk ka kryer marrëdhënie, ishte pirë dhe kishte vajtur atje në shtëpia. Nuk kemi patur probleme fare me ata. Vajza nuk është mirë nga mendja. Djali smë tha asgjë tjetër, fjeti gjumë. S’kemi hyrje dalje me familjen tjetër. Djali nuk e pranon që ka kryer marrëdhënie, beqar është. Djali vajti vetë në polici kur e arrestuan.
Ervis Rrapo, kryeplak i fshatit Rehova u arrestua këtë të enjte për akuzën e përdhunimit. Ka qenë babai i 23-vjeçares, i cila vuan nga probleme të shëndetit mendor ai që ka bërë denoncimin. Pasi ka parë Rrapon të dalë nga shtëpia e tij ai ka parë gjendjen e vajzës e kështu ka bërë denoncimin në polici.
