Danelo Cavalcente, i dënuari për vrasjen e ish-të dashurës dhe i kërkuari nga Brazili për disa raste të tjera kriminale është arratisur nga burgu. Autoritetet në Pennsylvania të SHBA-së u kanë bërë thirrje qytetarëve që të kenë kujdes nga vrasësi. Ai është cilësuar si një person shumë i rrezikshëm nga prokuroria. Policia ka vazhduar kërkimet edhe të shtunën dhe është zgjeruar zona e kërkimit të tij.
Autoritetet besojnë se Cavalcante po fshihet në zonë dhe u kanë bërë thirrje banorëve që të jenë vigjilentë. Braziliani i dënuar ka arritur të ikë nga burgu të enjten në mëngjes dhe është parë në rrugët afër burgut.
Deri tani nuk është treguar asgjë nga autoritetet për rrethanat e ikjes së tij, po rata kanë thënë se janë duke u zhvilluar hetime në lidhje me këtë. Gjykata e kishte dënuar Cavalcanten për vrasjen e Deborah Brandaos para fëmijëve të saj në prillin e vitit 2021. Autori e kishte vrarë ish të dashurën për shkak se ajo donte ta raportonte në polici për vrasjen që ai e kishte kryer në Brazil.
