SHËNGJIN– Të tjera detaje janë zbardhur në lidhje me ekzekutimin e biznesmenit Ardian Nikulaj në ambinetet e resortit të tij në Shëngjin. Mësohet se viktima prej ditësh lëvizte me makinë të blinduar pasi siç duket i druhej një atentati të mundshëm. Në momentin që u ekzekutua ai ndodhej i vetëm në tavolinë. Autori i veshur me jelek fosforeshent, skafandë dhe maskë anti-covid i afrohet në tavalinë dhe e qëllon shtatë herë me pistoletë në trup e kokë.
Ardian Nikulaj rezulton që të jetë pronar i disa bizneseve në zonën e Lezhës dhe i resortit “Coral” në bregdetin e Shëngjinit, vend ku dhe u vra. Nikulaj rezulton ta ketë ndërruar mbiemrin pasi në të shkuarën pasi më oparë ka mbajtur mbiemrin Marku. Më parë ka qënë edhe Ish-kreu i Aluznit e në të shkuarën ka qënë i dënuar për disa vepra penale. Ai rezulton i dënuar me 4 muaj burg, për prodhim dhe mbajtje të armëve luftarake dhe municioneve dhe për ‘armëmbajtje pa leje’. Ai ka qenë i dënuar në vitin 2003, dënim të cilin e ka deklaruar edhe në formularin e dekriminalizimit. Po ashtu ai ka qenë i angazhuar dhe në arenën politike në nivel qarku. Në zgjedhjet e shkuara ai ka qenë kandidat në listën e kandidatëve për deputetë në Partinë Socialdemokrate të drejtuar nga Tom Doshi. Nikulaj ishte i martuar dhe baba i katër fëmijëve.
