TIRANË– Kryetari i Partisë Demokratike Sali Berisha ka deklaruar këtë të premte se largimin e tij nga kreu i PD e përcakton vetëm anëtarësia. Gjatë fjalës së tij për mediat në konferencën e përjavshme me gazetarët Berisha u tregua i gatshëm për bashkikmin e PD-së me kushtin që Enkelejd Alibeaj dhe Lulzim Basha të mos jenë pjesë e patrisë pasi sipas kryedemokratit ata janë pengje të kryeministrit Edi Rama.
Sali Berisha: Me përjashtim të dy personave që kanë lidhje të tmerrshme krimi me Edi Ramën, me të gjithë deputetët e tjerë jam gati që kem çdo lloj debati, diskutimi dhe mirëkuptimi. Sepse ata me një akt themelor, mbështetën kandidatët e primarëve, de facto mbështetën PD-në.Këtu ata investuan në partinë që i përkasin. Ndaj tyre, PD është plotësisht e hapur. Jo që nuk bëj një hap pas, por bëj një hap para, unë i ftoj ata që të ulen të diskutojnë, të vendosin për më të mirën për PD-në, për opozitën, për të ardhmen e vendit. Gjithçka përcaktohet nga anëtarësia e partisë. Ne kemi një statut më demokratik që mund të ketë sot. Ai statut ka të gjitha hapësirat për çdo iniciativë të anëtarëve të saj. Unë i qëndroj me korrektesë statutit. Nuk ndërtohet partia mbi bazën e dëshirave, por mbi bazën e rregullave, që respektojnë liritë dhe të drejtat e anëtarëve të saj. Ka dy përcaktime statusore, njërën që kur kryetari humbet zgjedhjet lokale, votëbesohet. Nuk ka përcaktim aty farsë elektorale apo jo, por zgjedhje. Dhe e dyta, po humbe zgjedhjet e përgjithshme, ai largohet. Asnjë lloj përcaktimi tjetër jashtë kësaj, nuk i shërben PD-së dhe opozitës. Ju nuk duhet të harroni se Shqipëria është vendi në të cilin në kuptimin e mirëfilltë të fjalës, u krye një grusht shteti kundër opozitës shqiptare. Me qëllimin e vetëm, për të forcuar pushtetin mafioz të Edi Ramës dhe shkatërruar opozitën. Kjo luftë nuk filloi me Sali Berishën, të jem i sinqertë, kjo luftë filloi që në vitin 2015 me përpjekjet më të paimagjinueshme për ta përjashtuar opozitën nga të gjitha proceset kryesore në mënyrat më diabolike. Vazhdoi me kontraktimin e McGonigalit në një kohë kur ishte në detyrë, me angazhimin e Lou Bladel, Marko Rossinit, me ndikimin e fuqishëm të George Soros, Aleksit, etj. Të gjitha këto janë përpjekje për shkatërrimin e opozitës shqiptare. Ju nuk e harroni kur Lulzim Basha, i akuzuar nga SHBA për financime ruse, përfaqësuesi i asaj qeverie, bënte gjithçka për ta mbajtur në krye të PD. Sepse ai është pengu i Edi Ramës. Mënyra më efiçiente për të shkatërruar një komb është të shkatërrosh opozitën.
