TIRANË– Ministrja e Arsimit dhe Sportit Evis Kushi u gjend një një situatë të paparashikuar ditën e sotme teksa fliste për objektivat e vitit 2023 të ministrisë që drejton. Kushi u shpreh se pedagogët kanë marrë pagat dhe shpërblimet në kohë. Por kjo hasi në kundërshtinë e një prej pedagogëve të pranishëm, i cili ndërhyri duke thënë se nuk është e vërtetë pasi nuk i kanë marrë akoma.
BISEDA:
Kushi: Unë di që sot i marrin shumë shpejt, pagën dhe madje edhe shpërblimin. Dhe për universitetet e di që i kanë marrë pjesa më e madhe, gjithsesi do ta konfirmoj.
Pedagogu: Nuk është e vërtetë, unë nuk e kam marrë. S’ka rëndësi ca universiteti, unë nuk gënjej.
Kushi: Unë dhashë garanci.
Pedagogu: Dhe unë dhashë garanci.
Kushi: Unë dhashë garanci për mësuesit, jo për pedagogët,për ata nuk e kam atë informacion. Ju faleminderit për shqetësimin.
Pedagogu: Dhe vitet e tjera i kam marrë më vonë.
