TIRANË– Gjykata e Tiranës ka lënë në burg këtë të premte 28-vjeçarin Nikoll Sherrniku, i cili akuzohet nga Prokuroria si i përfshirë në “Masakrën e Don Boskos” ku pas sulmit në armë në lokalin në pronësi të Fatjon Muratit mbeti e vrarë Mimoza Paja, e cila punonte si banakiere.
Prokuroia akuzon të riun se është personi që ka siguriat targën gjermane RE HX 112 të përdorur në makinën e autorëve natën e sulmit me armë në lokalin e Muratit. Nikoll Sherrniku akuzohet për “sigurim të kushteve për të kryer vrasje”.
Nikoll Sherrrniku, 28 vjeç nuk është një emër i panjohur për Policinë e Shtetit. Ai ishte zyrtarisht në masën ‘arrest shtëpie’, pasi u vu në pranga si i implikuar në vrasjen e efektivit Xhulio Prela, në dhjetor të vitit 2020, për të cilën u akuzua edhe Brilant Martinaj, kushëriri i ‘’bosit’’ të lojërave të fatit Ervis Martinaj. Brilanti u ekzekutua në Fushë Krujë së bashku me dy miqtë e tij një vit më parë.
