FIER– Një aksident i rëndë është regjistruar pasditën e kësaj të shtune në fshatin Grykë në Fier. Raportohet se një 25-vjeçar i identifikuar me inicialet G.G ka humbur kontrollin e motorit dhe ka dalë jashtë rruge. I riu është dërguar menjëherë në spital dhe ndodhet nën kujdesin e bluzave të bardha.
NJOFTIMI I POLICISË:
Fier/Informacion paraprak. Rreth orës 18:20, në fshatin Grykë, Fier, shtetasi G. G., 25 vjeç, banues në Fier, duke drejtuar motomjetin, ka humbur kontrollin mbi drejtimin e motomjetit dhe ka dalë nga rruga. Për pasojë është dëmtuar drejtuesi i motomjetit i cili ndodhet në spital, në kujdesin e mjekëve. Grupi hetimor po punon për zbardhjen e shkakut të daljes nga rruga.
