BULQIZË– Familja e Dorjan Demës, autorit të vrasjes së 26-vjeçarit Dritan Manjani në Shupenzë është marrë në mbrojtje nga Policia nga frika e një gjakmarrjeje të mundshme nga fisi Manjani. Siç mund të shihet dhe në foto Policia qëndron në ambientet e jashtme të portës së banesët së autorit për të marrë masat re nevojshme për mospërshkallëzim të konfliktit dhe nxitjes së vrasjes.
Mësohet se autori dhe viktima kanë qenë në një lokal të Shupenzës deri në orët e para të mëngjesit duke pirë së bashku. Një sherr i momentit i nisur për motive të dobëta ka bërë që “festa” e tyre të përfundojë në tragjedi për të riun, i cili u godit disa herë me kaçavidë nga Dema duke gjetur vdekjen. Ngjarja ka ndodhur në hyrje të fshatit. Policia ka arrestuar autorin, dëshmia e tij pritet të hedhë dritë mbi ngjarjen.
