DURRËS– Detaje të reja janë zbardhur nga aksioni i policisë në Shijak që çoi në zbulimin e një “shtëpie bari” të përshtatur në një vilë tre katëshe në pronësi të dy vëllezërve. Një nga vëllezërit Selman Krasniqi që është shpallur në kërkim rezulton të jetë një emër i njohur për Policinë. Ai konsiderohet si “i forti” i Shijakut. Krasniqi ‘ është arrestuar në vitin 2016 për armëmbajtje pa leje.
Ai u arrestua nga forcat FNSH-së dhe Policisë lokale në lokalin që kishte marrë me qira në Shijak për të zhvilluar biznesin e ‘lojrave të fatit’. Gjatë aksionit të policisë, Krasniqi u kap me një armë zjarri automatik tip “Scorpion” si dhe 20 fishekë.
NJOFTIMI I POLICISË:
Krasniqi në momentin që Policia po hynte për kontroll në lokalin e marrë me qera prej tij, ka hedhur armën e zjarrit në sheshpushimin e lokalit dhe ka tentuar të largohet me vrap, por është kapur nga FNSH-ja dhe Policia lokale. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit”.
