“Gjuetia” që pëson Vinícius Jr në ndeshjet e kompeticioneve kombëtare vazhdon të jetë vërtet e tmerrshme. Një nga këto sulme të fundit është një goditje me takat e këpucës, direkt në kyçin e këmbës, e cila u kalua pa penalizim për shkaktarin, por me një paralajmërim për personin që kishte marrë një goditje të tillë. Ky skenar do të dekurajonte këdo.
Vinícius Jr., për fat të mirë për Real Madridin dhe për tifozët kryeqytetas, nuk është një lojtar dosido. Karakteri i tij konkurrues dhe vullneti i fortë tashmë po e bëjnë të qartë në fushë se numri ’20’ do të ngrihet gjithmonë edhe kur ai goditet në mënyrë të pajustifikueshme dhe se ai do të vazhdojë të luftojë për të pasur sukses si lojtar i Real Madridit. Është ëndrra e tij që nga fëmijëria.
Tani që po e jeton, nuk do të lejojë askënd ta hedhë në tokë. Kështu ia ka përcjellë personalisht Florentino Perezit: “Nuk do të rrezikojnë ëndrrën time për të pasur sukses në Madrid”. Vendosmëria e Vinícius Jr është më e madhe se kurrë: gjithë këto vite nën hijen e ofendimeve dhe batutave kundër Madridit e kanë kthyer në një futbollist të kompletuar me një mentalitet konkurrues që nuk duket i lehtë për t’u rrëzuar.
