GJIROKASTËR– Një 33-vjeçar i identifikuar me inicialet E.Q është vënë në prangat e Policisë së Gjirokastrës këtë të martë nën akuzën e vjedhjes. Sipas Policisë i riu i ka vjedhur telefonin një turisti italian.
NJOFTIMI I POLICISË:
Përmet/I vodhi celularin një shtetasi italian, falë veprimeve të shpejta nga Policia, identifikohet, kapet dhe vihet në pranga autori i dyshuar. Shërbimet e Komisariatit të Policisë Përmet, menjëherë pas marrjes së kallëzimit nga një shtetas italian, se i kishin vjedhur celularin, në vendin e quajtur “Banjat e Bënjës”, Përmet, kanë organizuar punën për identifikimin dhe kapjen e autorit. Si rezultat i veprimeve të shpejta hetimore dhe procedurale nga Policia, është identifikuar, kapur dhe arrestuar autori i dyshuar i vjedhjes së celularit të 23-vjeçarit italian, shtetasi: E. Q., 33 vjeç, banues në fshatin Malshovë, Përmet. Materialet procedurale i kaluan Prokurorisë pranë Gjykatës së Shkallës së parë të Juridiksionit të Përgjithshëm Gjirokastër, për veprime të mëtejshme, për veprën penale “Vjedhja”.
