TIRANË– Është zbardhur dëshmia e babait të Arjan Goses, 48-vjeçarit që u ra me plumb në ballë nga Habib Rexha dy ditë më parë në Kavajë. 80-vjeçari, të cilit ia vranë djalin para syve ka deklaruar në Polici se është shokuar kur ka parë të birin në atë gjendje dhe nuk ka mundur ta shohë autorin se ka dashur vetëm që ti japë ndihmën e parë të birit që dha frymën e fundit para tij. Ai ka thënë dy kishin dalë për të parë një ndeshje futbolli në lokal, pasi nuk ruheshin sepse mendonin që familja Rexha e kishte mbyllur konfliktin me ta, pasi në ngjarjen e disa muajve më parë, mbetën të vdekur që të dy të rinjtë e përfshirë në konflikt.
Dëshmia: Ne nuk mendonim se ngjarja e marsit do të vazhdonte. Në ngjarjen e parë, vdiqën të dy. Nuk kishte pse të vazhdonte më kjo histori. Ne nuk ruheshim, pasi nuk na shkonte në mendje që familja Rexha do të vazhdonte hakmarrjen. Djali im Arjani kishte ardhur vetëm pak ditë më parë nga Italia, sepse jetonte atje. Të dy bashkë dolëm që të pinim kafe dhe të ndiqnim ndeshjen Napoli-Inter. Ishim ulur të ajo tavolina aty, pasi konsumonim cigare dhe ishim kthyer me shpinë nga rruga dhe po shikonim ndeshjen. Nuk e pamë fare që autori erdhi. Vetëm kur plasi arma. Ktheva kokën dhe pashë që Arjani u këput, ndërsa pas meje një person iku me vrap. U shokova kur pashë tim bir të goditur në kokë. S’kishte asnjë shpresë, humbi jetën menjeherë. Unë nuk di çfarë të them më shumë.
Ngjarja e ndodhur dy ditë më parë vjen si pasojë e një ngjarje të rëndë të regjistruar pak muaj më parë në Kavajë ku të vrarë mbetën vëllai i viktimës Arjan Gosa dhe i autorit Habib Rexha. Altin Rexha dhe Edmond Gosa vranë njëri-tjetrin me thikë dhe armë më 29 mars 2023 pas një konflikti banal që kishte nisur për shkak të origjinës. Kur kishin lënë për tu sqaruar debati mes tyre agravoi dhe njëri qëlloi me thikë dhe tjetri iu kundërpërgj me armë duke gjetur të dy vdekjen. Ngjarja e rëndë ndodhi para syve të fëmijës së mitur të Altin Rexhës, që dyshohet që të jetë dhe shkaku se pse familja ka kërkuar hakmarrje duke vrarë dy ditë më parë Arjan Gosen teksa ky i fundiut ishte në tavolinë me babanë e moshuar.
