TIRANË– Ministrja e Financave Delina Ibrahimaj deklaroi këtë të martë se në 3 mujorin e parë të vitit, borxhi publik është ulur. Gjatë fjalës së saj në një konferencë për mediat ku bëri bilancin e dikasterit që drejton Ibrahimaj tha se sektori i shërbimeve zë peshën më të madhe në qarkullim. Ministrja u shpreh se ka pasur një rritje të punësimit në sektorin e ndërtimit, dhe rënie në sektorin e shërbimit. Ajo u ndal dhe tek importet ku theksoi se pas një periudhe të gjatë, janë rritur më shumë në vëllim se sa në vlerë.
Delina Ibrahimaj: Në tremujorin e parë, borxhi ndaj PBB ishte 63.27% të PBB nga 64.58% që ishte në fund të vitit 2022. Sipas strukturës, pesha më e madhe është në borxhin e jashtëm. Këtu dua theksoj dhe peshën e kursit të këmbimit. Borxhi është i identifikuar dhe marrë në euro. Kursi i euros ka sjell dhe një rënie të borxhit publik. Ne kemi pasur një rritje të tatimit mbi fitimin me 22.5%. Tatimi mbi të ardhurat është rritur me 9.5%. Kontributet nga sigurimet shoqërore janë rritur me 14.8%. Sektori i prodhimit ka pasur një rritje prej 31%. Kemi pasur rritje të punësimit në sektorin e ndërtimit, prodhimit, ndërsa ulje kemi pasur në sektorin e shërbimit. Kemi pasur rritje në sektorin e tregtisë. Sektori i shërbimeve vijon të zërë peshën më të madhe në punësim. Sa i përket financimit të konsumit dhe pagave, presim që pagat të vijojnë të rriten, në fund të 2022 paga mestare shënoi 66 mijë lekë. Presim që në 6 mujorin e dytë të ketë një rritje të ndjeshme. Shifrat e borxhit kanë vijuar të jetë pozitive. Importet për herë të parë pas një periudhe të gjatë janë rritur më shumë në vëllim se sa në vlerë. Çmimet e importeve kanë filluar të ngadalësohen. Importet në vëllim janë rritur me 6.9% ndërsa në vlerë me 0.4%. Eksportet janë rritur qoftë në vlerë edhe në vëllim.
