LEZHË– Janë zbardhur detaje rreth arrestimit të 35-vjeçarit me arsenal armësh në Lezhë. Bëhet fjalë për Antonio Lekën nga Miloti. Gjatë momemtit të arrestimit të tij ai nuk ka bërë rezistencë dhe u ka thënë efektivëve se ishte nisur për në Lezhë për të vrarë politikanë.
Ka qenë vëllai i Antonios ai që ka lajmëruar policinë, e cila bëri dhe arrestimin e tij në autostradën Milot-Lezhë. Sipas Lekës aktin e rëndë do e ndërrmerrte për të “zhdukur farën e keqe”. Ai rezulton i dënuar më parë për trafik droge.
Blutë e Lezhës nuk kanë dalë ende me një njoftim zyrtar në lidhje me arrestimin e Antonio Lekës. Raportohet se 35-vjepari mund të ketë dhe probleme të shëndetit mendor. Ai u arrestua afër ishull Shëngjin, në autostradën Milot-Lezhë. Ai ishte i veshur me antiplumb, rroba ushtarake dhe në çantë mbante municione luftarale.
