BULQIZË- Është identifikuar dhe viktima e tretë e aksidentit tragjik të regjistruar mbrëmjen e sotme në aksin rrugor Bulqizë-Maqallarë në afërsi të urës Qeranecit. Bëhet fjalë për Lulzime Istrefin, e cila ka humbur jetën gjatë rrugës për në spital. Nga aksidenti kanë mbetur të vdekur tre persona, të cilët kanë të njëjtin mbiemër. Konkretisht viktima kanë mbetur: Murat Istrefi, Kujtim Istrefi dhe Lulzime Istrefi.
Aksidenti ka qenë fatal duke lënë dhe katër të tjerë të plagosur. Makinat janë përplasur kokë më kokë më njëra-tjetrën duke bërë që përplasje frontale të rezultonte fatale për tre nga udhëtarët. Dy prej tyre janë vëllezër Murat dhe Kujtim Istrefi. Policia dhe zjarrfikëset mbërritur në vendin e ngjarjes bashkë me autoambulancat por ishte i pamundur shpëtimi i tyre. Ndërkohë dhe të plagosurit ndodhen në spitalin e Dibrës nën kujdesin e mjekëve. Nuk dihet nëse do të nisën për në Tiranë për një mjekim më të specializuar. Konkretisht të plagosur kanë mbetur: Mërgim Lazri 25 vjeç, Edison Lazri 20 vjeç, Kadrie Markeçi dhe Firuze Istrefi 56 vjeç.
Aksi ku ndodhi aksidenti është segment i rrugës së Arbrit dhe siç mund të shihet dhe në foto nuk ka ndriçim dhe mungon sinjalistika rrugore. Kjo dyshohet të jetë bërë dhe shkak edhe për këtë aksident fatal të mjeteve që regjistroi dhe këtë bilanc tragjik në këtë fillim viti. Por nuk përjashtohet edhe mundësi e shpejtësisë së lartë dhe jashtë normave të lejuara. Nga përplasja frontale një nga mjetet është ndarë në mes duke bërë të vështirë dhe nxjerrje e trupit nga makina. Grupi hetimor është në venin e ngjarjes dhe po punon për zbardhjen e plotrë të saj.
