TIRANË– Kryeministri Edi Rama ka konfirmuar kryebashkiakun e Tiranës si kandidat për një mandat të tretë në kryeqytet. Gjatë fjalës së tij në prezantimin e strategjisë së zhvillimit të Tiranës kreu i qeverisë njëherazi dhe numri një i Partisë Socialiste ka vlerësuar kryebashkiakun Erion Veliaj për punën e bërë në Tiranë dhe për optimizmin e pashërueshëm siç e cilësoi ai. Nga ana e tij Veliaj ka falëenderuar Ramën për mbështetjën.
Edi Rama: Të kesh qenë kryetar i Bashkisë së Tiranë dhe të shohësh këtë prezantim, e ke të pamundur të mos thuash me vete paç fatin e Lali Erit. Unë nuk dua të zgjatem më shumë, ju falenderoj shumë për mundësinë, ata që kanë kontributin e tyre, natyrisht përgëzojë dhe Erionin për drejtimin, për punën edhe për optimizmin e tij të pashërueshëm. Edhe një gjë të fundit, do më falni po duhet të iki se do vazhdojmë të punojmë për Lali Erin!
Erion Veliaj: Shumë faleminderit Edi Ramës për mbështetjen dhe për gjithë energjinë e pafundme për të ecur përpara.
