Iliazaj: Me largimin e Grida Dumës ka humbur politika shqiptare

Pedagogu Ervis Iliazaj nuk e sheh me skepticizëm krijimin e disa partive të djathta në Shqipëri.

Duke folur në emisionin “Stay Tuned” në MCN TV Iliazaj thotë se me largimin e Grida Dumës nga Kuvendi ka humbur politika shqiptare dhe debati politik në përgjithësi.

Nuk do ta shikoja me skepticizëm disa të djathta në Shqipëri. Nuk e kuptoj këtë kapjen pas logos së PD që po kalon në absurd. Meloni s’kishte asnjë logo, krijoi Fratelli D’Italia, mori votat, u bë kryeministre. Nëse s’është më i mundur bashkimi, pse jo të ketë disa të djathta në Shqipëri. Mund të bëjnë koalicion më vonë. PD s’mundet të bashkohet, as dëshiron të bashkohet. Politika ka humbur në këtë rast, këtë e kam bindje, me largimin e Grida Dumës nga politika. Në këtë ansamblin e deputetëve që kemi parë dhe një nivel nuk e di dmth, mendoj që debati politik shqiptar në përgjithësi ka humbur me largimin e znj. Duma. E pashë largimin e znj. Duma dhe lënien e mandatit të Rushajt, mendoj se ka një lloj dëshpërimi në kampin opozitar, mungesë shprese se opozita mund të vij në pushtet kështu siç është. Për të dy gëzoj respekt. Largimin e tyre, kam një lloj perceptimi, se ata vet janë në frymën e mungesës së optimizmit dhe shpresës se opozita kështu siç është mund të vijë në pushtet”.