Ilir Alimehmeti flet për ndarjen në PD dhe çfarë do bëj ndryshe nga Veliaj
Kandidati për primaret e PD-së, doktor Ilir Alimehmeti në emisionin ‘Stay Tuned’ në MCN TV, ka komentuar lidhur me atë se çfarë mund të ndodh në PD, nëse ajo shkon me dy kandidatë të ndarë duke u shprehur se nuk i quan dy pjesë sepse s’ka një ndarje në bazë, anëtarësi, pasi sipas tij në fund fare ata janë të gjithë njerëz me parime të djathta.
Ai tha se po nuk u bashkuan bashkë do të kuptojmë ose do fitojmë të gjithë bashkë ose do humbasim veç e veç.
E para nuk besoj se PD do dali me dy kandidatë, por duhet të marrim parasysh dy elementë. Situata politike janë dinamike që nga negocimet deri te diskutimet. Tani kanë dhe 6 muaj dhe s’duhet të djegim etapat sepse ato sjellin vetëm keq. Unë nuk i quaj dy pjesë sepse ata vazhdojnë dhe janë anëtarë dhe kanë të drejtën të vijnë të votojnë në primare, kanë të drejtën të propozojnë dhe vetkandidojnë, pra s’ka një ndarje në bazë, anëtarësi, në fund fare këta janë të gjithë njerëz me parime të djathta dhe e dinë se po nuk u bashkuan bashkë, duhet të kuptojmë ose do fitojmë të gjithë bashkë ose do humbasim veç e veç. Këtë gjë s’duhet ta bëjmë për hesap të njërit apo tjetrit por duhet të kuptojmë se ne duhet të jemi të gjithë bashkë. Për momentin duhet një ofertë.
I pyetur se çfarë do të bëjë ndryshe nga kryetari aktual Eriopn Veliaj, Alimehmeti tha se qyteti ka shumë mangësi që nga shkollat, pastërtia, infrastruktura etj, ndërsa theksoi se duhet parë që edhe ato punë që janë bërë aj janë bërë mirë.
Pyetja është a është bërë mirë apo keq ajo punë dhe sa lek ka kushtuar kjo punë? Inceneratorët, ne paguajmë lek dhe është i vetmi incenerator që nuk ekziston, ka shumë shërbime që nuk ofrohen fare por që vidhen, mendohet se janë bërë shkolla, por gjithsej vitin e kaluar vetëm 6 shkolla janë bërë në të gjithë territorin, në Tiranë vetëm 2. Meqë puna është bërë kaq mirë pse ka fëmijë pasdite në shkollë. Po të shkosh në komuna do shohësh se s’kanë fare çerdhe dhe kopshte, këto janë taksa të abuzuara, pra merr disa para që si merr asnjë bashki tjetër i merr në mënyrë abuzive dhe nxënësit vazhdojnë duke shkuar në shkollë ca paradite dhe ca pasdite. Një nga elementët se ka shumë, por dendësia e popullatës në Tiranë është 10 mijë e 500, një dendësi kaq e madhe bashkë që është e destinuar të shtohen, transporti, trafiku bëhet gjithmonë e më i vështirë, disponueshmëria e ujit gjithmonë e më e pakët. E gjithë kjo vjen si rrjedhojë e babëzisë së madhe për të ndërtuar e ndërtuar dhe s’ka një trotuar ku mund të kalosh. Duhet të ofrosh pastërti, ndërgjegje dhe duhet të bëhet transparencë. Unë them se duhet të zgjedhësh një njeri që punon për ju.
